Қызылорда облысында автобус пен жеңіл көлік соқтығысып, екі адам көз жұмды
ҚЫЗЫЛОРДА. ҚазАқпарат - Қызылорда қаласы аумағында автобус пен жеңіл автокөлік соқтығысып, екі адам көз жұмды, деп хабарлайды ҚазАқпарат тілшісі.
Фото; Қызылорда облыстық полиция департаменті
Оқиға бүгін, 14 шілде сағат 7.00 шамасында Қызылорда қаласына қарасты Баймұрат ауылы аумағында болған.
«Шымкент-Самара» тасжолы бойында автобус пен жеңіл автокөлік соқтығысып, жол-көлік оқиғасы тіркелді.
Салдарынан жеңіл автокөліктің жүргізушісі оқиға орнында қаза тапты.
Автобустың бір жолаушысы медициналық мекемеде көз жұмды. Автобус жүргізушісі және 3 жолаушысы дене жарақатымен ауруханаға жатқызылды.
«Оның біреуіне алғашқы медициналық көмек көрсетілді. Жол-көлік оқиғасы бойынша ҚР Қылмыстық кодексінің 345-бабының 4-бөлігімен сотқа дейінгі тергеу жүріп жатыр», - деп мәлім етті Қызылорда облыстық полиция департаментінен.
Тиісті сот сараптамалары тағайындалды. Оқиғаның мән-жайы анықталып жатыр.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.