ҚЫЗЫЛОРДА. ҚазАқпарат - Қызылорда облысы Шиелі ауданында тұратын Сейтжановтар әулетінің 8 келіні бір мезетте сайлау учаскесінде дауыс берді, деп хабарлайды ҚазАқпарат тілшісі.
Шиелі ауданы Ақтоған ауылында тұратын Сейітжановтар әулетіні саяси маңызды шараға белсенділік танытты. Аталған отбасындағы барлық сайлаушы алғашқылардың қатарында өз таңдауын жасады.
Олардың қатарында аталған әулеттің 8 келіні бар. Олар бір мезетте сайлау учаскесінде дауыс берді.
«Бүгін - ел болашағы үшін маңызды күн. Саяси шараға белсенді түрде қатысуға шешім қабылдадық. Өз таңдауымызды жасадық», - дейді олар.
Саяси науқанда ерекше белсенділік танытқан әулетке сыйлық берілді.
Айта кетейік, өңірде 373 сайлау учаскесінде тіркелген 482 934 сайлаушы бар.
Еске салсақ, бұдан бұрын Қызылорда облысында 101 жастағы ардагер таңдауын жасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.