ҚЫЗЫЛОРДА. ҚазАқпарат - Қызылорда облысында түн ішінде көлікпен айдалада қалып қойған 19 адам құтқарылды, деп хабарлайды ҚазАқпарат тілшісі.
Оқиға бүгін, 22 қаңтарда түнгі сағат 4.00 шамасында болған.
Түркістан облысының Жетісай қаласынан Қызылорда облысының Қармақшы ауданына бет алған «Mercedes-Benz Sprinter» автокөлігі негізгі бағытынан адасып, ауа райының қолайсыздығынан басқа жолға түсіп кеткен.
«Автокөліктің аккумуляторы бұзылып, жолаушылар айдалада қалып қойған. Оқиға орнына төтенше жағдайлар саласы және №14 өрт сөндіру бөлімінен 4 қызметкер барды. Автокөлікті жөндеп, жолаушыларды негізгі жолға бағыттап жіберді», - деп мәлім етті Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, Қызылорда облысындағы жол апаты 8 адамның өмірін қиып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.