ҚЫЗЫЛОРДА. ҚазАқпарат - Қызылорда облысында қаңтар айында 4293 адам коронавирус жұқтырды. Салдарынан антирекордтық көрсеткіш тіркелді, деп хабарлайды ҚазАқпарат тілшісі.
Ақпан айында облыс бойынша коронавирус инфекциясының эпидемиологиялық жағдайы тұрақталып келеді. Биылғы жылдың 30 қаңтарынан облыс «сары» аймақта тұр.
«2020 жылғы наурыздан бері аймақта 23 824 адам коронавирус жұқтырды. Ал биылғы қаңтар айында коронавирус инфекциясын жұқтырудың барлығы 4 293 жағдайы анықталды. Өткен тәулікте мұндай 48 жағдай тіркелді. Басым көпшілігінде клиникалық белгілері анықталған жоқ. Науқастардың арасында 14 жасқа дейінгі балалар мен жасөспірімдер арасында 13 жағдай тіркелді», - деп мәлім етті .
Ведомство мәліметінше, бүгінгі күні өңірде 1639 белсенді ошақ бар. Барлығында індетке қарсы профилактикалық шаралар жүргізіліп, қарым-қатынаста болғандар медициналық бақылауға алынған.
Еске салсақ, Қызылорда облысында 420 мыңнан астам вакцина салдырды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.