ҚЫЗЫЛОРДА. ҚазАқпарат - Қызылорда облысында ауа райының қолайсыздығынан «Шымкент-Самара» тасжолының бірқатар бөлігінде жол жабылды, деп хабарлайды ҚазАқпарат тілшісі.
Бұл жөнінде Қызылорда облыстық төтенше жағдайлар департаменті мәлім етті.
Онда «Шымкент-Самара» тасжолының 1240-1646 шақырым аралығы көктайғақ салдарынан жабық екені айтылған. Ол Қармақшы ауданы мен Ақтөбе облысының аралығын қамтиды.
Еске салсақ, бұдан бұрын 29 қаңтарда Қызылорда облысында көктайғақ салдарынан «Шымкент-Самара» тасжолының 1473-1939 шақырым аралығында көліктің барлық түрінің қозғалысына жол жабылды. Аталған аумақ Қазалы ауданының орталығы Әйтеке би және Шиелі кентінің аралығын қамтиды.
https://kaz.inform.kz/news/kyzylorda-oblysynda-koktaygak-saldarynan-zhol-zhabyldy_a3892433
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.