ҚЫЗЫЛОРДА. ҚазАқпарат - Қызылорда облысы Арал ауданында АН-2 ұшағы қону кезінде отқа оранды, деп хабарлайды ҚазАқпарат тілшісі.
Бұл жөнінде хабарлама облыстық төтенше жағдайлар департаментіне сағат 12.10-де түскен. Арал қаласына 10 шақырым қалғанда қонуға бет алған ұшақтан өрт шықты. Аталған ұшақ TJA5217 санитарлық бағыты бойынша жұмыс істеген.
«Тікұшақта 2 экипаж мүшесі мен 1 дәрігер болған. Экипаж «Санавиация» мекемесінің тапсырмасы бойынша шыққан. Оқиғаның мән-жайы анықталуда. Адамдары аман», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінен.
Ведомство мәліметінше, оқиға орнына өрт сөндірушілер аттанып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.