ҚЫЗЫЛОРДА. ҚазАқпарат - Қызылорда облысында коронавирус жұқтырған соңғы 9 адамның барлығы Шиелі ауданында тұрады. Бұл жөнінде облыстық Тауарлар, қызметтердің сапасы мен қауіпсіздігін бақылау департаментінің Facebook парақшасынан мәлім болды, деп хабарлайды ҚазАқпарат тілшісі.
Науқастардың 3-уі ер адам болса, 6-уы әйел адам. Олардың арасында ең кішісі 2012 жылы туған қыз. Ал жасы ең үлкені 1944 жылғы ер адам.
«Қазіргі таңда науқастардың жағдайы қанағаттанарлық. Бекітілген алгоритмге сәйкес науқастармен қарым-қатынаста болған адамдар анықталды. Олар медициналық бақылауға алынп жатыр. Ауру ошақтарында эпидзерттеу және дезинфекциялық жұмыстар жүргізілуде», - деп мәлім етті ведомстводан.
8 сәуір сағат 22:35-тегі жағдай бойынша аймақта коронавирус инфекциясына шалдыққандар саны 85 адамды құрады.
Олардың 9-ы Қызылорда қаласында, 16-ы Жаңақорған ауданында тіркелсе, Қармақшыда – 4, Шиеліде – 47, Сырдарияда - 7, Аралда - 2 жағдай анықталды
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.