ҚЫЗЫЛОРДА. ҚазАқпарат - Қызылорда облысында мал ұрлығы өршіп тұр, деп хабарлайды ҚазАқпарат тілшісі.
Жыл басынан бері бүгінгі күнге дейін мал ұрлығына байланысты 356 дерек тіркелген. Жергілікті полиция қызметкерлері тарапынан бұл бағытта бірнеше іс-шаралар өткізілді. Соған қарамастан мал ұрлап жатқандар азймай отыр. Полиция жүргізілген іс-шаралар барысында 26 қылмыстық топты ұстады.
«Мал иелері ұрланған малды іздеуде кеш қимылдап жатады. Малды қараусыз қалдырады. Оларды жоғалғаннан кейін бірнеше күннен соң іздей бастайды. Бұл бізге өз қиындығын алып келеді», - дейді Қызылорда облысы ішкі істер департаментінің криминалды полиция басқармасының бастығы Нұрбол Сәден.
Еске сала кетсек, бұдан бұрын Қызылорда облысында мал ұрлығымен айналысқан 20 қылмыстық топтың қолға түскенін хабарланған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.