ҚЫЗЫЛОРДА. ҚазАқпарат - Қызылорда облысында 19 мыңнан астам адам коронавирусқа қарсы «Pfizer» вакцинасын салдырды, деп хабарлайды ҚазАқпарат тілшісі.
Қазірге дейін барлығы 19247 адам «Pfizer» вакцинасының бірінші компонентін салдырды. Екінші компонентімен қамтылғандар саны - 11050 адам.
«Бүгінге дейін аталған вакцина салдырғандар арасында 12-17 жас аралығындағы жасөспірімдер саны басым. Олардың 15746-сы бірінші компонентін алса, 8806-ы екіншісін алды. Ал жүкті әйелдер арасында бірінші компонентпен – 1517, екінші компонентпен – 1014, лактация кезеңіндегі әйелдер арасында бірінші компонентпен – 1984, екінші компонентпен 1230 адам қамтылды», - деп мәлім етті Қызылорда облыстық Санитариялық-эпидемиологиялық бақылау департаментінің баспасөз хатшысы Айман Жанахаева.
Еске салсақ, Қызылордада тұмауға шалдыққандар арасында балалардың үлесі басым болып тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.