ҚЫЗЫЛОРДА. ҚазАқпарат - Қызылорда облысы тұрғындары ҚР Парламенті Мәжілісінің және барлық деңгейдегі мәслихат депутаттарының сайлауына белсенді қатысуда, деп хабарлайды ҚазАқпарат тілшісі.
Жергілікті уақытпен сағат 11:00-ге дейін сайлаушылардың 28,8 пайызы өз таңдауын жасады. Яғни, 141983 адам дауыс берді. Бұл туралы облыстық сайлау комиссиясының төрағасы Ғалым Баймырзаев мәлімдеді.
Жалпы, облыста сайлаушылар саны - 492198. Бұл аймақ халқының 60,7 пайызы. Өңірде 376 сайлау учаскесі бар. Сайлау комиссиясының 2821 мүшесі қызмет көрсетуде. Оның 1128-і арнайы оқу курсынан өткен болатын. Аймақта 13 мыңға жуық мүмкіндігі шектеулі сайлаушы бар. Олардың учаскеге келіп, өз таңдауын жасауы үшін 30-ға жуық инватакси қызмет көрсетуде.
Айта кетейік, қарт кісілер және науқас азаматтар үшін жылжымалы жәшік қызмет көрсетуде.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.