ҚЫЗЫЛОРДА. ҚазАқпарат - Өңірде биыл бірінші тоқсанда 97 адам туберкулез жұқтырған. Бұл - өткен жылдың осы мерзімімен салыстырғанда 17 пайызға жоғары, деп хабарлайды ҚазАқпарат тілшісі.
Ауруға шалдыққандардың 94%-ы - өкпе туберкулезін жұқтырған. Сондай-ақ, тең жарымында туберкулездің жұқпалы, яғни ашық түрі екендігі анықталды.
«Індетке шалдыққандардың 70%-ы әлеуметтік белсенді топтар болып отыр, негізінен 18-64 жас аралығындағы адамдар. Олардың қатарында туберкулез жұқтырған 38 жұмыссыз, 24 зейнеткер, 7-і мектеп оқушысы мен студент бар», - дейді Қызылорда облысы санитариялық-эпидемиологиялық бақылау департаментінің баспасөз хатшысы Айман Жанахаева.
Ведомство мәліметінше, соңғы 2 жылда коронавирус пандемиясы туберкулез індетіне қарсы тиісті профилактикалық шаралардың уақытылы жүргізілуіне кері әсерін тигізді. Туберкулезді анықтау сынамаларын қоюға және екпе жүргізуге қарсылық танытқандардың саны артқан.
Еске салсақ, Қызылордада жануарлардан зардап шеккен 290 адам дәрігерлердің көмегіне жүгінді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.