ҚЫЗЫЛОРДА. ҚазАқпарат - Қызылорда облысы Сырдария ауданы аумағындағы тас жолда жеңіл көлік толығымен өртеніп кетті, деп хабарлайды ҚазАқпарат тілшісі.
Оқиға «Қызылорда-Жалағаш» тас жолының Сырдария ауданы аумағындағы бөлігінде болды.
«Өрт сөндіру қызметінен оқиға орнына 5 қызметкер 1 бірлік автокөлік барды. Өрт сөндірушілер күшімен қызыл жалын толығымен сөндірілді. Қаза болғандар мен зардап шеккендер жоқ», - деді департаменттен.
Еске сала кетелік, бүгін Қызылордада полицейлер өртенген пәтер ішінде ес-түссіз жатқан әйелді құтқарды.
Өрт сағат түнгі 02.55-те облыс орталығындағы «Ақмешіт» шағынауданы №2 үйдің екінші қабатында болған. Полицейлер қызыл жалынға оранған пәтер ішінен ес-түссіз жатқан 54 жастағы азаматшаны дереу алып шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.