АСТАНА. ҚазАқпарат – «Қазақстан темір жолы» компаниясы Қызылорда облысы аумағында жүк пойызы локомотивінің өртену себебін анықтап жатыр, деп хабарлайды ҚазАқпарат тілшісі.
Фото: instagram.com/railway_1520
«Осы жылдың 16 мамырында Қызылорда-Жосалы учаскесінде жүк пойызының локомотиві өртенді. Оқиға салдарынан ешкім зардап шеккен жоқ. Өрт аудандық өртке қарсы қызмет күшімен жедел түрде өшірілді», - деп атап өтеді «Қазақстан темір жолы» компаниясының баспасөз қызметінен.
Компания мәліметінше, оқиға орнына қосалқы локомотив жіберілген.
Өрттің шығу себептерін анықтау жұмысы жүріп жатыр.
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.