ҚЫЗЫЛОРДА. ҚазАқпарат - Қызылорда облысында жыл басынан бері 2 934 адам коронавирус жұқтырды, деп хабарлайды ҚазАқпарат тілшісі.
Олардың арасында Қызылорда қаласының 1637 тұрғыны бар. Ал аудандар бойынша аталған кезеңде Жаңақорғанда – 318, Сырдарияда – 216, Қазалыда – 204, Шиеліде – 182, Қармақшыда – 142, Аралда – 115, Жалағашта – 100 науқас тіркелді.
2020 жылдан бері өңірде коронавирус инфекциясымен барлығы 6 326 науқас есепке алынды. Олардың басым бөлігі облыс орталығында тұрса, қалғандары аудандар үлесінде.
Еске салсақ, бүгінде Қызылорда облысында 77 мың адам коронавирусқа қарсы вакцина алды.
Қызылордада емдеу орындары коронавирусқа қарсы вакцинаны аптасына жеті күн бойы салады. Бұл жұмыстар 29 сәуірден бастап жүргізілуде. Тұрғындар таңғы сағат 08.00-ден түнгі сағат 00.00-ге дейін екпе ала алады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.