ҚЫЗЫЛОРДА. ҚазАқпарат - 12 қаңтарда Қызылорда қаласында 0-4 сынып оқушылары қашықтықтан білім алады, деп хабарлайды ҚазАқпарат тілшісі.
Соңғы күндерінде Қызылорда қаласы бойынша ауа райының қолайсыздығы байқалады.
«Осыған байланысты 12 қаңтар күні 0-4 сынып оқушылары қашықтықтан оқытылады. Қаладағы 55 мектепте білім алатын 31 509 оқушы сабақты қашықтан оқиды», - деп атап өтті Қызылорда облыстық білім басқармасынан.
Қызылордалық бастауыш сынып оқушылары 11 қаңтарда ауа райы қолайсыздығына байланысты қашықтан оқуға мәжбүр болды.
Сондай-ақ, ертең Астана мен бірнеше өңір оқушылары үйден оқиды.
Олардың қатарында Астана, Алматы, Қарағанды, Семей, Ақтөбе қалалары және Ұлытау облыстары бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.