ҚЫЗЫЛОРДА. ҚазАқпарат - Қызылорда облысында қазірге дейін 1590 тұрғын «Pfizer» вакцинасын салдырды, деп хабарлайды ҚазАқпарат.
Өңірде коронавируске қарсы қайта вакцинациялау барлық емханада ұйымдастырылуда. Қазіргі дейін облыста 1590 тұрғын «Pfizer» вакцинасын салдырды.
«Оның ішінде жасөспірімдер - 1156, жүкті әйелдер - 233 адам болса, бала босанғаннан кейінгі аналар - 201. Ендігі кезекте жағдайды ушықтырмау - сіз бен біздің қолымызда. Сол себепті вакцина салдырып, ұжымдық иммунитет қалыптастыруға асығайық», - деді облыстық денсаулық сақтау басқармасы басшысының орынбасары Жангелді Шайымбетов.
Қазірге дейін облыста 397736 адам коронавирусқа қарсы вакцинаның бірінші компонентін салдырды. Ал екінші компонентпен қамтылғаны - 336883 адам.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.