ҚЫЗЫЛОРДА. ҚазАқпарат - Қызылорда қаласында 17 жастағы қыз алты күннен бері хабарсыз кетті, деп хабарлайды ҚазАқпарат тілшісі.
17 жастағы Тұралы Айдана Нұралықызы Қызылордада 21 наурызда кешкі уақыт 20:00 шамасында үйінен белгісіз бағытқа шығып кеткен.
Содан бері үйіне қайта оралмаған.
«Осыған байланысты Қызылорда қалалық Полиция басқармасы іздеу салады. Оның ерекше белгілері бойы: 1,60-1,65 см, орта денелі, шашы қысқа қара түсті. Кәмелет жасына толмаған бойжеткен туралы қандай да бір ақпарат немесе жүрген жері туралы мәлімет білген жағдайда 8(7242)-29-75-20 немесе 102 арнасы нөмірлеріне хабар берулеріңізді сұраймыз», - деп мәлім етті Қызылорда қалалық полиция басқармасынан.
Еске салсақ, бұдан бұрын Қызылордада жоғалған жасөспірім қыз табылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.