ҚЫЗЫЛОРДА. ҚазАқпарат – Қызылорда қаласында көктайғақ салдарынан жолаушылар тасымалдауға арналған екі автобус соқтығысып қалды, деп хабарлайды ҚазАқпарат тілшісі.
Оқиға 2 ақпанда сағат 08:00 шамасында Қызылорда қаласының сол жағалау бөлігінде болған.
«Сол аумақта орналасқан «Orda School» мектебінің жанында «Yutong» үлгісіндегі қоғамдық екі автобус соқтығысып қалды. Оқиға салдарынан зардап шеккен 3 жолаушыны дәрігер тексеріп, кейін үйлеріне қайтарған. Олардың жағдайы тұрақты. Жол-көлік оқиғасына байланысты тиісті құжаттар жинақталып, сараптамалар тағайындалды», - деді Қызылорда қалалық полиция басқармасынан.
Еске салсақ, бұдан бұрын Қызылорда мен Түркістан облыстарында ауа райының қолайсыздығынан көлік қозғалысы шектелді. Сондай-ақ Алматыда екі автобус соқтығысып, алты адам жарақат алды.
Автордың фотосы
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.