ҚЫЗЫЛОРДА. ҚазАқпарат - Қызылорда қаласының 34 жастағы тұрғыны бір айға жуық уақыттан бері табылмай жатыр, деп хабарлайды ҚазАқпарат тілшісі.
Қызылорда қаласында тұратын Рахыметов Марат Нұрылдаұлы өткен жылғы 20 желтоқсанда үйінен белгісіз бағытқа шығып кеткен. Содан бері үйіне қайта оралмаған.
«Осыған байланысты Қызылорда қалалық Полиция басқармасы іздеу салады. Ерекше белгілері - бойы: 1,70 см, орта денелі, шашы сары, көзі кара, екі бетінде меңі бар. Киімдері: қоңыр түсті жемпір, көк түсті шалбар. Аталған хабарлама бойынша қандай да бір ақпарат немесе жүрген жері туралы мәлімет білген жағдайда 8(7242)-29-75-20 телефондарына немесе 102 арнасына қоңырау соғуды сұраймыз», - деп жазылған Қызылорда қалалық полиция басқармасы таратқан хабарламада.
Еске салсақ, бұдан бұрын Қызылордада 46 жастағы азамат алты айдан бері хабарсыз.
Фото: Қызылорда қалалық полиция басқармасы
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.