ҚЫЗЫЛОРДА. ҚазАқпарат - Қызылордада төрт жастағы сәби көпқабатты үйдің терезесінен құлап кетті, деп хабарлайды ҚазАқпарат тілшісі.
Оқиға 20 маусымда сағат 16.20 шамасында болды. Сәби Қызылорда қаласына қарасты Тасбөгет кентіндегі үш қабатты үйдің екінші қабатынан құлап кетті.
«Балдырғанды ата-анасы қараусыз қалдырған. Ол облыстық балалар ауруханасына жеткізілді. Жағдайы орташа деп бағаланып отыр. Оқиға орнына төтенше жағдайлар, басқа да сала мамандары келді», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Жыл басынан бері Қызылордада дәл осындай төртінші жағдай тіркелді.
Ал 16 мамырда «Шұғыла» мөлтек ауданында екі жасар сәби терезеден құлап кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.