ҚЫЗЫЛОРДА. ҚазАқпарат - Қызылорда қаласында екі қабатты жеке тұрғын үй баспалдағының жоғары бөлігінен абайсызда төменге құлаған төрт жастағы сәби аман қалды, деп хабарлайды ҚазАқпарат тілшісі.
Оқиға Құрманғазы көшесі бойындағы тұрғын үйде тіркелді. Ата-анасының қадағалауынсыз қалған сәби баспалдақтың жоғары бөлігінен абайсызда төменге құлап кеткен.
«Алған жарақатына байланысты сәби облыстық балалар ауруханасына жатқызылды. Жағдайы орташа деп бағаланып отыр. Оқиға орнына облыстық төтенше жағдайлар департаменті және оған қарасты мекеме мамандары барды», - деп мәлім етті Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің өкілдері.
Сондай-ақ, бұдан бұрын Қызылордада үш жастағы сәби тоққа түсіп, қайтыс болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.