ҚЫЗЫЛОРДА. ҚазАқпарат - Қызылордада соңғы тіркелген 3 науқас та Қызылорда қаласында тұрады. Олардың барлығы - 40 жастан асқан әйел адамдар, деп хабарлайды ҚазАқпарат тілшісі.
Қызылорда облыстық тауарлар мен көрсетілетін қызметтердің сапасы мен қауіпсіздігін бақылау департаментінің хабарлауынша, науқастардан коронавирус инфекциясы қауіптілік топтарын скринингтік тексеру барысында анықталған.
«Қазіргі таңда науқастар жұқпалы аурулар ауруханасына оқшауландырылып, хаттамаға сәйкес тиісті ем қабылдап жатыр. Ауру ошақтарында індетке қарсы іс-шаралар атқарылып, аурудың жұғу жолы мен қарым-қатынаста болғандар анықталуда», - деп мәлім етті ведомстводан.
30 сәуірдегі елорда уақытымен 23.00 жағдай бойынша Қызылорда облысында коронавирус инфекциясын жұқтырған 201 адам тіркелген. Оның ішінде емделіп шыққандар саны - 118.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.