ҚЫЗЫЛОРДА. ҚазАқпарат - Қызылордада 56 жастағы ер адам Сырдария өзеніне батып кетті. Оқыс оқиға 9 мамырда Қызылорда қаласынан 40 шақырымдай қашықтықта орналасқан Көкжиде стансасы аумағында болған, деп хабарлайды ҚазАқпарат тілшісі.
Кірпіш зауытында жұмыс істейтін 1966 жылғы азаматтың Сырдарияға батып кеткені жөнінде хабар сағат 16:40 шамасында түскен.
«Оқиға орнына жедел құтқару жасағынан 6 қызметкер 1 техника және 1 моторлы қайықпен барды. Құтқарушылар тарапынан іздестіру жұмыстары басталды. Ол 9 мамырда 20:00 шамасында тоқтатылып, бүгін 10 мамырда 7:30 шамасында қайта жалғасты. Оның мәйіті 14:00 шамасында батқан жерінен 20-25 метрдей қашықтықта табылды», - деп мәлім етті облыстық төтенше жағдайлар департаменті өрт сөндіру және авариялық-құтқару қызметінің баспасөз хатшысы Әлия Ережепова.
Еске салсақ, бұдан бұрын Қызылордада жапан түзде жоғалған қойшы жігіт екі күннен кейін табылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.