ҚЫЗЫЛОРДА. ҚазАқпарат - Қызылорда облысында тоғыз жасар бала каналға суға батып кетті, деп хабарлайды ҚазАқпарат тілшісі.
Оқиға бүгін, 27 шілдеде сағат 13.40 шамасында Арал ауданына қарасты Аманөткел елді мекені тұсындағы суармалы канал бойында болды.
«Облыстық төтенше жағдайлар департаменті өрт көндіру және авариялық-құтқару қызметіне 14.10-да келіп түсті. Жергілікті тұрғындар күшімен баланың денесі жағаға шығарылды. Ол белгісіз жағдайда суға батып кеткен», - деп мәлім етті облыстық төтенше жағдайлар департаменті өрт сөндіру және авариялық құтқару жұмыстары қызметінің маманы Әлия Ережепова.
Еске салсақ, бұдан бұрын Қызылордада каналға құлап кеткен көлік ішінен екі адам табылған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.