ҚЫЗЫЛОРДА. ҚазАқпарат – Қызылордада түзеу мекемесіне 200 дана трамадол алып кірмек болған кәсіпкер ұсталды, деп хабарлайды ҚазАқпарат тілшісі.
Қызылорда облысы бойынша қылмыстық-атқару жүйесі департаментінің №60 мемлекеттік мекемесінің өндірістік аймағына өту мақсатында келген жұмыс берушіні мекеме қызметкерлері жеке тексеру барысында қос аяқ киімінің ішінен белгісіз зат табылды.
«Оқиға мекеме басшысына баяндалып, Қызылорда қалалық полиция басқармасының жедел тергеу тобы шақырылды. Кәсіпкерден табылған зат ақ түсті полиэтилен пакетке оралған 200 дана трамадол екені анықталды. Аталған дерекке қатысты ҚР Қылмыстық кодексі 297-бабының 1-бөлігімен сотқа дейінгі тергеп-тексеру жұмыстары жүргізіліп жатып», - деп мәлім етті Қызылорда облысы бойынша қылмыстық-атқару жүйесі департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.