Сценарий авторы, кинорежиссер Жаңабек Жетіруов бұл идеяның 2009 жылы - жазушының жетпіс жылдығында келгенін айтады.
Көрсетілім Қазақстанның халық жазушысын еске алу шаралары аясында ұйымдастырылды. Көрермен қатарында болған облыстық мәслихат хатшысы Наурыз Байқадамов: «Әбіш Кекілбаев - абыздардың жалғасы. Осындай тұлғаны көрсету - сіздің жүректілігіңіз. «Нартәуекел» деп кіріскен еңбегіңіздің нәтижесі», - дей келе, режиссерға алғыс білдірді.
Жаңабек Жетіруов алдағы уақытта жазушының Еңсеп деген құдықшы туралы «Шыңырау» повесінің желісімен де кино түсірмек.