ҚЫЗЫЛОРДА. ҚазАқпарат - Қызылордада Қызылорда қаласында адам өліміне қатысты күдікті қолға түсті, деп хабарлайды ҚазАқпарат тілшісі.
Қызылорда қаласы «Ақмешіт» мөлтек ауданында адам мәйіті табылған еді. Полиция қызметкерлері тәулік ішінде жедел-іздестіру шараларын жүргізді. Нәтижесінде қылмысқа қатысы бар 44 жастағы облыс орталығының тұрғыны қолға түсті.
«ҚР Қылмыстық кодексінің 99-бабы 2-бөлігімен сотқа дейінгі тергеу амалдары жүріп жатыр. Онда адам өлтiру жағдайы көрсетілген. Күдікті Қызылорда қалалық полиция басқармасының уақытша ұстау абақтысына қамалды. Басқа мәліметтер Қылмыстық-процестік кодекстің 201-бабының талаптарына сәйкес жария етілмейді», - деп мәлім етті Қызылорда облыстық полиция департаментінің баспасөз қызметі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.