ҚЫЗЫЛОРДА. ҚазАқпарат - Қызылорда қаласында автокөлік екі адамды қағып кетіп, оқиға орнынан бой тасалады, деп хабарлайды ҚазАқпарат тілшісі.
Әлеуметтік желіде тарап жатқан жол апаты туралы ақпаратты облыстық Полиция департаментінде растады.
«Аталмыш оқиға Қызылорда қаласындағы Шымбай көшесі бойында орын алған. Екі жаяу жүргіншіні белгісіз автокөліктің қағуы дерегі бойынша ҚР Қылмыстық кодексінің 345-бабы 2-бөлігімен сотқа дейінгі тергеп-тексеру амалдары басталды. Жәбірленушілер медициналық мекемеде ем алып жатыр. Автокөлік жүргізушісін және жол-көлік апатының мән-жайын анықтауға бағытталған барлық кешенді жедел-іздестіру жұмыстары жүргізілуде», - деді Қызылорда облыстық Полиция департаменті бастығының міндетін атқарушы Ғани Төлебаев.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.