ҚЫЗЫЛОРДА. ҚазАқпарат - Қызылорда облысында ақпан айында 187 адам коронавирус жұқтырды, деп хабарлайды ҚазАқпарат тілшісі.
Олардың арасында 131 адам облыс орталығының тұрғындары. Одан кейінгі кезекте Шиеліде - 14, Жалағашта - 10, Арал мен Қазалыда - 9 адам инфекция жұқтырған. Ал Сырдарияда - 6, Жаңақорғанда - 5, Қармақшыда - 3 адамнан коронавирус анықталған.
«Науқастардың басым көпшілігі ауруды қарым-қатынас арқылы жұқтырған. Өткен аптада тіркелген 65 жағдайдың 31-і осындай жолмен жұққан. Бұл тұрғындардың жеке сақтық шарасын, үйде оқшаулану тәртібін, карантин талаптарын сақтамау салдарынан болып отыр», - деп мәлім етті Қызылорда облысының санитариялық-эпидемиологиялық бақылау департаментінен.
Қазіргі таңда облыста коронавирус жұқтырған азаматтардың саны 3 796 адамға жетті.
Жыл басынан бері 400-ден астам ковид-ке шалдыққан.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.