ҚЫЗЫЛОРДА. ҚазАқпарат - Қызылорда облысында өткен тәулікте коронавирус жұқтырған науқастардың 2-і Алматы қаласынан келгені анықталды, деп хабарлайды ҚазАқпарат тілшісі.
Өңірде өткен тәулікте 9 адам қатерлі індеттің құрығына ілікті.
Оның алтауы - Қызылорда қаласында тұрса, екеуі - Жалағаш, біреуі - Арал ауданынан анықталды.
Науқастардың екеуі Алматы қаласынан келген.
Айта кетерлігі, төрт адамда дене қызуының көтерілуі, ентігу, кеуде тұсының ауыруы секілді клиникалық белгісі байқалған.
Қалған 5 жағдай симптомсыз анықталды.
«Науқастармен қарым-қатынаста болған 30 адам медициналық бақылауға алынды. Оларға профилактикалық және эпидемияға қарсы шаралар жүргізілуде», - деп мәлім етті Қызылорда облысының санитариялық-эпидемиологиялық бақылау департаментінен.
Қазіргі таңда коронавирус жұқтырған азаматтардың саны 3 768 адамға жетті. Науқастардың басым бөлігі Қызылорда қаласының үлесіне тиеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.