ҚЫЗЫЛОРДА. ҚазАқпарат – Қызылорда облысында арзан бағаға көлік алып беретінін айтып, танысын алдап кеткен адам сотталды, деп хабарлайды ҚазАқпарат тілшісі.
Қызылорда тұрғыны арзан көлік алып беремін деп, танысын алдап соққан. Жәбірленушіге келтірілген шығын – 5 млн теңге.
«Тергеу барысында күдікті азаматтың алаяқтық іс-әрекеті толығымен дәлелденді. Оған қатысты ҚР Қылмыстық кодексінің 190-бабы 3-бөлігі 1-тармағымен (Алаяқтық) іс қозғалды. Сот үкімімен оған 4 жыл мерзімге бас бостандығынан айыру жазасы тағайындалды. Сот үкімі заңды күшіне енді», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылорда қаласында заңсыз ойын бизнесін жүргізген адамға айыппұл салынды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.