ҚЫЗЫЛОРДА. ҚазАқпарат - Қызылорда қаласында кафенің жаздық алаңы өртеніп кетті. Оның жалпы аумағы 292 шаршы метрді құрайды, деп хабарлайды ҚазАқпарат тілшісі.
Оқиға 28 маусымда сағат 15:00 шамасында болды. Облыс орталығындағы Ә. Бөкейханов көшесінде орналасқан «Тамсан» кафесінің ауданы 292 шаршы метрлік жазғы алаңы жанған.
«Өрт 15:31-де оқшауланған, 15:50-де толығымен өшірілген. Тілсіз жаудан қаза тапқандар мен зардап шеккендер жоқ. Өрттің себебі мен шығыны анықталуда», - деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, бұдан бұрын Қызылордада 425 шаршы метрді құрайтын караоке клубы өртеніп кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.