ҚЫЗЫЛОРДА. ҚазАқпарат - Қызылордадағы «Евразия» спорт кешенінде ауыр атлетикадан ерлер мен әйелдер арасында ел біріншілігі басталды, деп хабарлайды ҚазАқпарат тілшісі.
Ел біріншілігі жекелеген жаттығулар бойынша болады. Алты күн бойы спортшылар 20 салмақ бойынша жеңімпаздарды анықтайды.
Аталған жарыста ерлер 55, 61, 67, 73, 81, 89, 96 келі салмақта жүлделерді сарапқа салады. Ал әйелдер 45, 49, 55, 59, 67, 71, 76, 81, 87, 87 келіден жоғары салмақта бақ сынайды.
Турнирдің ашылуына арналған салтанатты шараға облыс әкімінің орынбасары Қайрат Нұртай, ҚР Ауыр атлетика федерациясының атқарушы директоры Алдияр Нұралинов және ауыр атлетикадан төрт дүркін әлем чемпионы Илья Ильин қатысты.
Айта кетейік ел біріншілігіне Нұр-Сұлтан, Алматы, Шымкент қалалары мен облыс орталықтарынан 220-ға жуық спортшы жүлделерді сарапқа салуда.
Жарыс 24 сәуірге дейін жалғаспақ.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.