ҚЫЗЫЛОРДА. ҚазАқпарат - Қызылорда қаласында жолаушылар тасымалдауға арналған автобус жолдан өтпек болған әйел адамды қағып кетті. Ол ауруханаға жатқызылды, деп хабарлайды ҚазАқпарат тілшісі.
Оқиға 10 наурызда Қызылорда қаласындағы Әйтеке би көшесі бойында болды. Қала ішінде жолаушылар тасымалдайтын қоғамдық автобус иесі жүргіншіні қағып кеткен.
«Салдарынан әйел Қызылорда қалалық ауруханасына жатқызылды. Аталған дерек бойынша ҚР Қылмыстық кодексінің 345-бабының 2-бөлігімен қылмыстық іс қозғалып, тергеп-тексеру әрекеттері жүргізілуде. Тиісті сараптамалар тағайындалуда», - деп мәлім етті Қызылорда облыстық полиция департаментінен.
Еске салсақ, ақпан айында көктайғақтан Қызылордада 2 автобус соқтығысып қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.