ҚЫЗЫЛОРДА. ҚазАқпарат - Қызылордада жеңіл көлік иесі жаяу жүргіншілер жолағынан өтіп бара жатқан адамды қағып кетті, деп хабарлайды ҚазАқпарат тілшісі.
Жол-көлік оқиғасы облыс орталығында Н.Назарбаев даңғылы бойындағы «Nomad Palace» кешені тұсында 3 мамыр күні кешке болды. «Лада-21705» маркалы автокөлігімен келе жатқан 22 жастағы жүргізуші жүргіншілер өткелінде жаяу жолаушыны қағып кетті.
«Жол-көлік оқиғасы заң талабына сай рәсімделді. Жүргізушіге қатысты ҚР Әкімшілік құқық бұзушылық туралы кодексінің 610-бабы 2-бөлігімен әкімшілік хаттама толтырылды. Жаяу жүргіншіге алғашқы медициналық көмек көрсетілді», - деп мәлім етті Қызылорда қалалық полиция басқармасынан.
Еске салсақ, бұдан бұрын Қызылордада екі көлік соқтығысып, 4 адам зардап шекті.
Сондай- ақ, Қызылордада автокөлік пен мотоцикл соқтығысып, бір адам ауруханаға түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.