ҚЫЗЫЛОРДА. ҚазАқпарат - Қызылорда облысында күн суықта тау ішінде балшыққа батып қалған жеңіл автокөлік ішіндегі үш жолаушы құтқарылды, деп хабарлайды ҚазАқпарат тілшісі.
Оқиға Шиелі ауданына қарасты Қосүйеңкі ауылы тұсында болды.
Елді мекен маңындағы «Шиелі-Тайқоңыр» тасжолының 65-шақырымындағы «Ақсүмбе» учаскесінде 24 ақпан түнгі сағат 3.15 шамасында «ВАЗ 2114» маркалы жеңіл автокөлігі балшыққа батып қалған.
Көлік ішінде үш адам болған.
«Оқиға орнына Шиелі ауданы Төтенше жағдайлар бөлімінің аға инженері азаматтық қорғау лейтенанты Ә. Нұрмантаев және Шиелі ауданы Төтенше жағдайлар бөлімінің инженері лейтенант Н. Мұсахан «Ssang Young Kyron» қызметтік автокөлігімен барды. Мамандар 1 жүргізуші және 2 жолаушы бар екені анықталды. Көлік балшықтан шығарылып, құтқарылған адамдар тұрғылықты мекенжайына жеткізілді» деп мәлім етті Шиелі ауданы төтенше жағдайлар бөлімінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.