ҚЫЗЫЛОРДА. ҚазАқпарат - Қызылорда қаласында балабақша сәбилері мінген жеңіл көлік жол-көлік оқиғасына ұшырады, деп хабарлайды ҚазАқпарат тілшісі.
Жол-көлік оқиғасы бүгін, 15 қыркүйекте Қызылорда қаласының сол жағалауында орналасқан «Болашақ» университетінің маңындағы жол қиылысында болған.
«Оқиға барысында «Honda Odyssey» және «Hyundai Santa fe» көліктері соқтығысып қалған. «Honda Odyssey» көлігі қаладағы балабақшаның біріне тиесілі болған. Аталған көлікке мінген сәбилерге облыстық көпсалалы балалар ауруханасында алғашқы медициналық көмек көрсетілді. Аталған жол-көлік оқиғасы бойынша сараптама тағайындалды», - деп мәлім етті Қызылорда қалалық полиция басқармасынан.
Еске салсақ, бұдан бұрын Қызылордада жасөспірімді қағып, қашып кеткен жүргізуші ұсталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.