ҚЫЗЫЛОРДА. ҚазАқпарат - Қызылорда қаласында бір аулада тұрған үш көлік өртенді, деп хабарлайды ҚазАқпарат тілшісі.
Оқиға облыс орталығының «Арай» шағынауданындағы тұрғын үйдің ауласында болды. Алдымен «Daewoo Nexia» жеңіл автокөлігі толығымен жанған. Содан кейін жалын «MG3 Xross» автокөлігі мен «ВАЗ-21099-ды шарпыған.
«Өртті сөндіруге Қызылорда облыстық төтенше жағдайлар департаментіне қарасты мекемелерден 10 қызметкер 3 техника жұмылдырылды. Сондай-ақ, оқиға орнына жол полициясы, жедел жәрдем қызметі мамандары келді. Өрт толығымен жойылды», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Бұған дейін Қызылорда облысында жанармай сақтайтын қойма өртенгендігі хабарланған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.