ҚЫЗЫЛОРДА. ҚазАқпарат - Қызылорда облысы Жаңақорған ауданында 7 жасар бала суға кетті, деп хабарлайды ҚазАқпарат тілшісі.
Бұл оқиға 24 шілде күні кешкі сағат 20.50 шамасында орын алған. Жергілікті тұрғындар күшімен оның жансыз денесі сағат 21.20 шамасында құтқарылды. Жасөспірім суға түсуге арналмаған жерде суға түскен.
Сондай-ақ, тұрғындар күшімен сол маңнан 2008 жылы дүниеге келген жасөспірім құтқарылды. Ол аудандық ауруханаға жатқызылды. Жағдайы орташа қалыпты деңгейде.
Облыстық төтенше жағдайлар саласының мамандары ата-аналарға балаларды бақылаусыз қалдырмау қажеттігін айтады.
Жыл басынан бері тоғыз бала осындай төтенше жағдайдан қайтыс болды. Жалпы, биыл Қызылорда облысында жыл басынан бері 23 адам суға кетті. Оның ішінде 10-ы - бала.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.