ҚЫЗЫЛОРДА. ҚазАқпарат - Қызылорда облысының Жаңақорған ауданында дала өрті салдарынан 700 ұсақ мал қырылды, деп хабарлады ҚР ТЖМ ресми өкілі Талғат Уәли.
«2020 жылы 21 қазанда сағат 18.50-де Қызылорда облысы Жаңақорған ауданы Аққорған ауылдық округінің Түгіскен ауылында шамамен 30 гектар болатын шабылған күріш алқабында құрғақ сабан өртенген. Өрт сол күні сағат 21.48-де толық сөндірілді. Өртті сөндіруге ТЖД мен еріктілерден құралған 19 адам мен 5 техника жұмылдырылды», - деп мәлімдеді ҚР ТЖМ ресми өкілі Талғат Уәли.
Алдын ала болжам бойынша өрт салдарынан жеке шаруа қожалығына тиесілі жайылып жүрген 700-ге жуық қой өртеніп кеткен. Одан бөлек, күйіп қалған ұсақ мал бар. Олардың нақты саны анықталуда. Оқиға орнында арнайы құрылған комиссия жұмыс істеп жатыр.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.