ҚЫЗЫЛОРДА. ҚазАқпарат - Қызылорда облысы Жаңақорған ауданында дала өртінен қырылған ұсақ малға өтемақы төлеу мәселесі алдағы уақытта комиссия отырысынан кейін белгілі болады, деп хабарлайды ҚазАқпарат тілшісі.
Естеріңізге сала кетелік, 21 қазанда Жаңақорған ауданына қарасты Түгіскен ауылындағы егістік алқабында жайылып жүрген ұсақ мал дала өртінен шығынға ұшырады .
«Өрттен 263 бас қой өліп, көмілді. Оған қоса 685 қойды күйік шалған. Олардың қаншасы тірі қалатыны әзірге белгісіз. Өтемақы талапқа сәйкес төрт жағдайда төленеді. Бұл мәселе нақты комиссия қорытындысынан кейін белгілі болады», - деді облыстық ауыл шаруашылығы басқармасы басшысының орынбасары Қайратбек Сәрсенбаев.
Қызылорда облыстық төтенше жағдайлар департаменті бастығының орынбасары Руслан Қайрақбаев өрттің шығу себебі әзірге анықталып жатқанын жеткізді.
«Қазір өрттің шығу себебіне сараптама жасалуда. Нақты қорытынлы содан кейін белгілі болады» дейді департамент бастығының орынбасары.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.