ҚЫЗЫЛОРДА. ҚазАқпарат - Қызылордада екі ай бұрын үйінен белгісіз бағытқа кеткен 26 жастағы қала тұрғыны бүгін аман-есен табылды, деп хабарлайды ҚазАқпарат тілшісі.
Бұдан бұрын хабарлағанымыздай, 26 жастағы қыз 13 шілдеде үйінен белгісіз бағытқа шығып кеткен. Содан бері қайта оралмаған.
Қызылорда қалалық полиция басқармасы оның аман-есен табылғаны жөнінде хабарлады.
«Ол отбасына өзі хабарласқан. Осылайша оны іздеу тоқтатылды», - деп мәлім етті аталған ведомстводан.
Сондай-ақ, бүгін қызылордалық полицейлер 2 қыркүйекте сабаққа шығып, үйіне қайта оралмаған 16 жастағы жасөспірім қызды бір күннен кейін тапты.
Еске салсақ, бұдан бұрын Қызылордада жоғалып кеткен 21 жастағы жігіт табылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.