ҚЫЗЫЛОРДА. ҚазАқпарат - Қызылордада екі бала дарияға суға батып кетті, деп хабарлайды ҚазАқпарат тілшісі.
Оқиға бүгін, 1 маусымда Қызылорда қаласына қарасты Тасбөгет кентінде болды. Екі бала дарияға суға түсуге барған.
«Олардың бірінің денесі сол маңда балық аулап жүрген азаматтың күшімен жағаға шығарылды. Ол бала 2008 жылы дүниеге келген жасөспірім екені анықталды. Екіншісінің денесі Төтенше жағдайлар департаменті құтқарушыларының күшімен іздестірілуде», - деп мәлім етті облыстық Төтенше жағдайлар департаменті өрт сөндіру және авариялық құтқару жұмыстары қызметінен.
Еске салсақ, бұдан бұрын Қызылордада отбасылық демалысқа барған әйел көлге батып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.