ҚЫЗЫЛОРДА. ҚазАқпарат - Қызылорда қаласында екі күннен бері хабарсыз кеткен 17 жастағы қызға іздеу жарияланды. Бұл жөнінде Қызылорда облыстық Полиция департаменті криминалдық полиция басқармасынан мәлім етті, деп хабарлайды ҚазАқпарат тілшісі.
Ведомство мәліметінше, ол 8 сәуірде сағат 18.30 шамасында жұмыс орнынан белгісіз бағытқа шығып, қайта оралмаған.
«Осыған байланысты Қызылорда облысының Полиция департаменті 2004 жылдың 18 ақпанында дүниеге келген Серікбаева Ғалия Нұртуғанқызына іздеу салады. Белгілеріне тоқтала кетсек: бойы 160 см, орташа денелі. Шашы белден келеді, ашық қоңыр түсті. Көзі қоңыр түсті, қысыңқы. Қараторы келген. Үстіне қызыл түсті куртка, қызыл түсті көйлек, қара түсті джинсы шалбар, аяғына қызыл түсті кроссовка киген.
Жасөспірім туралы қандай да бір ақпарат немесе жүрген жері туралы мәлімет білген жағдайда : 8(7242)-29-70-10, 8(7242)-29-75-20, 8(7242)-29-75-02, 8-705-255-81-25 немесе 102 телефон нөмірлеріне хабар беруді сұраймыз», - делінген полиция хабарламасында.
Айта кетейік, бұдан бұрын Қызылордада 3 жыл бұрын жоғалған адам Түркістаннан табылған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.