ҚЫЗЫЛОРДА. ҚазАқпарат - Қызылорда қаласында 22 және 23 жастағы екі жігіт суға батып кетті, деп хабарлайды ҚазАқпарат тілшісі.
Қайғылы оқиға «ПМК-29» саяжай аумағындағы Қалғандария көлінде болған. Екі жігіт 17 шілдеде кешке сағат 21.10 шамасында рұқсат етілмеген аумақта суға шомылған.
«Қазір олардың денесі іздестіріліп жатыр. Оған облыстық Төтенше жағдайлар департаментінен 22 маман жұмылдырылды. Мамандар 5 техника мен 3 қайықты пайдалануда. Оқиға орнына облыстық полиция департаментінің мамандары да келді», - деп мәлім етті Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінің өкілдері.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.