ҚЫЗЫЛОРДА. ҚазАқпарат - Қызылорда облысы Жаңақорған ауданында еріктілер баспанаға мұқтаж екі отбасына жаңа тұрғын үйдің кілтін табыс етті, деп хабарлайды ҚазАқпарат тілшісі.
Жергілікті «Жаңарған Жаңақорған жастары» қоғамдық қоры жылма-жыл тұрмысы төмен отбасыларға көмек қолын созып келеді. Бұл мақсатта ортақ қаржы жинап, кейбір істерге демеушілер тарапынан қолдау көрсетіледі.
Осылайша, биыл олар бірден екі баспана салып, оны үйге мұқтаж екі отбасына табыс етті. Алғашқысын мүмкіндігі шектеулі жан алса, екіншісіне тұрмысы төмен отбасы қол жеткізді.
Жаңа баспаналардың кілтін табыстау рәсіміне аудан әкімі Мұрат Тілеуімбетов қатысып, ақжарма лебізін білдірді. Ауданның бас имамы Әбдіхалық қажы Махмұтұлы елдің атынан ерікті жастарға алғысын айтты.
Бүгін Қарағанды облысында 14 отбасы жаңа пәтердің кілтін алғаны хабарланған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.