ҚЫЗЫЛОРДА. ҚазАқпарат - Қызылордада белгісіз біреулер гаражда тұрған «Toyota Land Cruiser 200» автокөлігін ұрлап кетті, деп хабарлайды ҚазАқпарат тілшісі.
Оқиға түнгі уақытта болған. Жедел іздестіру шараларының барысында қылмыс жасаған күдіктілердің бірінің бейнесі сыртқы бақылау камерасына түсіп қалғаны анықталды. Дегенмен, полиция көлік ұрлаған күдіктілерді әзірге қолға түсірген жоқ.
«Аталған қылмыстық оқиға бойынша білетіндер және күдіктіні танитын азаматтар болса Қызылорда облыстық Полиция департаментіне хабарласуын сұраймыз. Ақпарат бергендер туралы мәліметтер жарияланбайтынына кепіл береміз. Сондай-ақ, Қызылорда ОПД Қазақстан Республикасы Кылмыстық кодексінің 53-бабына сәйкес, кінәлі тұлғаның айыбын мойындап келуі - қылмыстық жауаптылықты жеңілдететін мән-жай болып табылатынын хабарлайды», - деп мәлім етті Қызылорда облыстық Полиция департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.