ҚЫЗЫЛОРДА. ҚазАқпарат - Қызылорда облысы Қазалы ауданында жеке тұрғын үйде газ баллоны жарылды. Оқиға салдарынан 3 адамды күйік шалды, деп хабарлайды ҚазАқпарат тілшісі.
Оқиға Қазалы ауданының орталығы - Әйтеке би кентіндегі жеке тұрғын үйде болды. Онда 5 литрлік газ баллоны жарылған. Нәтижесінде күйік жарақатын алған 3 адам ауруханаға жатқызылды.
«Жарақат алған адамдар арасында 1994 жылы дүниеге келген науқастың жағдайы ауыр. Оның денесінің 90 пайызын күйік шалған. Ал 1997 және 2001 жылдары дүниеге келген екі адамның миы шайқалған, жағдайы орташа. Болжам бойынша жарылыстың шығуна газ жабдығын пайдалану кезінде өрт қауіпсіздігі қағидасын бұзу себеп болған. Жылыту пешінің жанында газ баллоны қыздырылған, ол дәнекерлеу шамы үшін пайдаланылған», - деп мәлім етті Қызылорда облыстық төтенше жағдайлар департаменті.
Сондай-ақ, Қызылордада 12 тонна пропан тасымалдап бара жатқан көлік өртенді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.