ҚЫЗЫЛОРДА. ҚазАқпарат - Бүгін қала күні мерекесі қарсаңында Қызылордада қалалық денсаулық және демалыс саябағы ашылды, деп хабарлайды ҚазАқпарат тілшісі.
Қызылорда қаласының мерейлі мерекесінің салтанатты ашылуы «Қалалық денсаулық және демалыс саябағының» пайдалануға беруімен басталды. Аталған шараға облыс әкімі Гүлшара Әбдіқалықова мен қала әкімі Нұрлыбек Нәлібаев қатысты.
Облыс орталығының келбетіне әрлендіре түскен аллея қаладағы көрікті орындардың біріне айналмақ. Саябақтың ашылу рәсімінде облыс әкімі тұрғындарды мерекемен құттықтап ізгі лебізін білдірді.
Қала әкімі Нұрлыбек Нәлібаев алдағы уақытта саябақта кәсіпкерлердің қолдауымен ойын аттракциондары орнатылып, мұнда спорттық, патриоттық іс-шаралар өткізелітінін айтып өтті.
Айта кетейік, саябақ 35 гектар аумақта орналасқан. Мұнда веложол, 6 спорттық ойын алаңы, түнгі жарық шамдары барлығы үйлесімді орналасқан. Сонымен қатар 20 мыңнан астам көшет пен 61 мыңға жуық гүлдер егілген. Саябақта барлығы 10 мыңнан астам шаршы метр аумақ абаттандырылған.
Сондай-ақ, Қызылордада шағын кәсіпкерлік нысандарының саны артты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.