ҚЫЗЫЛОРДА. ҚазАқпарат - Сыр өңірінде «Қорқыт- Қобыз» атты қобызшылар мен қобызбен сүйемелдеп жыр айтушылардың республикалық байқауы басталды, деп хабарлайды ҚазАқпарат тілшісі.
Бұл туралы бүгін Өңірлік коммуникациялар қызметінде өткен баспасөз конференциясында байқауды ұйымдастырушы, жырау Майра Сәрсенбаева мәлімдеді.
«Қазіргі таңда Қорқыт ата мұрасын жаңғырту, ұрпақтан-ұрпаққа насихаттау бағытында біршама ауқымды жұмыстар атқарылуда. Солардың бірі, міне, бүгін облыстық мәдениет, архивтер және құжаттама басқармасының ұйымдастыруымен Елбасымыздың «Болашаққа бағдар: рухани жаңғыру» бағдарламалық мақаласы аясында тұңғыш рет ұйымдастырылып отыр»,- деді М. Сәрсенбаева.
Байқауда 17-55 жас аралығындағы еліміздің әр өңірінен келген қылқобызшылар Қорқыт күйлерін төгілтсе, қобызбен сүйемелдеп жыр айтушылар Қожа Ахмет Ясауи хикметтерінен және Тоныкөк, Күлтегін, Оғызнама, Қорқыт дәуіріндегі көне жыр үлгілерінен үзінділер орындайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.